Ссылки доступа

Қирғизистон собиқ бош вазири Сапар Исақовнинг иши Бош прокуратурага топширилди


ИЭМни модернизация қилиш чоғида кузатилган коррупция тўғрисидаги ишни Миллий хавфсизлик давлат қўмитаси Бош прокуратурага топширди. Бу ҳақда асосий айбланувчилардан бири - собиқ бош вазир Сапар Исақовнинг адвокати Нурбек Тоқтакунов маълум қилди.

Унинг сўзларига қараганда, Бош прокуратура беш кун мобайнида айбловларни тасдиқлаши ва уни фигурантларга маълум қилиши керак. Шундан сўнг иш судга топширилади. Ўз навбатида суд материалларни олганидан кейин ўн кун мобайнида биринчи эшитувларни ўтказиши лозим.

Бундан аввал адвокат иш материаллари 53 томдан иборат бўлгани боис, улар билан танишиб чиқа олмаслигини айтган эди.

МХДҚ ҳукуматнинг собиқ раҳбарини «Бишкек шаҳридаги ИЭМни модернизация» қилиш лойиҳасини ҳаётга татбиқ этишда коррупцияга йўл қўйиш айби билан 2018 йил 5 июн куни ҳибсга олган эди. Эҳтиёт чорасини кўриш масаласида 18 декабр куни бўлиб ўтган суд мажлисида у сиёсий таъқиб қурбони бўлгани юзасидан баёнот берди.

XS
SM
MD
LG