Ссылки доступа

Ташқи ишлар вазирлиги президентга видеомурожаат қилган муҳожир тўғрисида тушунтириш берди (видео)


Ўзбекистон Ташқи ишлар вазирлиги Россияда ҳалок бўлган укасининг жасадини ватанига юборишда кўмак сўраб президентга видеомурожаат йўллаган Баходир Аҳмедов юзасидан жамоатчиликка тушунтириш берди.

Баҳодир Аҳмедов ўз видеомурожаатини ижтимоий тармоқларда жойлаштирган эди. Унда Баҳодир Ўзбекистон элчихонаси ва Узбекистон ҳаво йўллари ширкати унга укасининг жасадини ватанига юборишга кўмак беришдан бош тортгани айтилганди.

Вазирликнинг билдиришича, Баҳодир Аҳмедовнинг укаси Отабек Болтаев 2018 йилнинг ноябрь ойида Москвага келиб ишлай бошлаган. 2019 йилнинг 5 январида у кўп қаватли уйлардан бирининг томидан қор кураётган пайтида йиқилиб тушган ва ҳалок бўлган.

"Ўзбекистонннинг Москвадаги консуллигида мавжуд маълумотларга қараганда, Баҳодир Аҳмедовга укаси Отабек Болтаев жасадини Фарғонага жўнатиш учун Отабек Болтаев ишлаган “Жилишник” ширкати юз минг рубль пул берган. Бундан ташқари мазкур ширкат Отабек Болтаевнинг хотинига ҳам товон пули сифатида 250 минг рубль берган. Бироқ Ўзбекистон элчихонаси бу пулларни Баҳодир Аҳмедов ва марҳумнинг хотини олгани ёки олмагани тўғрисида аниқ маълумотларга эга эмас", дейилади хабарда.

Шунга қарамай Ташқи ишлар вазирлиги Баҳодир Аҳмедов укасининг жасадини ватанига жўнатиш учун етарли маблағ бўлганини иддао қилган.

Шу билан бирга расмий тушунтиришда: "О. Болтаевнинг оила аъзолари ёки уларнинг қонуний вакили Ўзбекистон ТИВ Консуллик-ҳуқуқий департаментига мурожаат қилса,ТИВ ҳалок бўлганнинг ойила аъзоларининг қонуний ҳақ-ҳуқуқларини ҳимоя қилишга тайёр", деб айтилади.

XS
SM
MD
LG