Ссылки доступа

"Шаҳри бехатар"-и Бишкек: пиёдагардон низ ҷарима мешаванд


Нозирони роҳи шаҳри Бишкек аз ин ба баъд пиёдагардонро барои гузаштани роҳ аз ҷойҳои муайянношуда 100 сом (1,43 доллар) ҷарима хоҳанд кард. Дар ин бора муовини сардори пулиси пойтахти Қирғизистон Нур Рисканов хабар дод.

Маъмурони пулис аз планшетҳое истифода хоҳанд кард, ки дар таъйини шахсияти сокинон кумак мерасонанд. Ба гуфтаи Рисканов, механизмҳо тақрибан коркард шудаанд.

Ёдрас мешавем, дар Қирғизистон 12 феврал марҳалаи аввали "Шаҳри бехатар" фаъол шуд, ки дар доираи он дар 10 кӯчаву хиёбони шаҳри Бишкек дурбинҳои назоратӣ насб гашт. Дурбинҳо 7 навъи қоидавайронкуниро сабт мекунанд.

Иҷрои тарҳи "Шаҳри бехатар"-и Қирғизистон дар чаҳор давра сурат гирифта, дар 38 кӯчаву хиёбони Бишкек дурбинҳо насб мешаванд.

Тарҳро ширкати русии "Вега" иҷро мекунад.

XS
SM
MD
LG