Унинг сўзларига қараганда, янги ва эски ЖПКда қамоқ муддатлари турлича бўлса, ёки квалификацияда фарқ қилса, у ҳолда иш қайта кўриб чиқилади.
«Ата Мекен» партияси раҳбари, парламент собиқ спикери, парламентнинг бир нечта чақириқдаги депутати Омурбек Текебаев ва унинг партиядоши, ҚРнинг Жанубий Кореядаги собиқ элчиси Дуйшенкул Чотонов 2017 йилда россиялик бизнесмен Леонид Маевскийнинг кўрсатмасига биноан «Коррупция» моддаси бўйича айбланган ва ҳар бириетти йил муддатга озодликдан маҳрум қилинган эди.
Кейинроқ, 2018 йилнинг ноябрида Маевскийнинг ўзи Москвадаги Твер суди томонидан 37,5 миллион доллар миқдорида таъмагирлик қилганликда айбланиб 2019 йилнинг январ ойи ўрталаригача ҳибсда ушлаб турилди. Яқинда маълум бўлишича, унинг матбуот котиби Максим Букин ҳам ушланган.
10 январ куни маълум бўлишича, ҚР президенти ҳузуридаги афв масалалари бўйича Комиссия Омурбек Текебаевни афв қилиш борасида Роза Отунбаеванинг президентга йўллаган мурожаатини кўриб чиқишни рад қилган.