Банкнинг Telegram каналида берилган маълумотга кўра, янги банкнот тематикаси буюк ўзбек олими Мирзо Улуғбек фаолияти ва ютуқларига бағишланган.
Банкнот олд томонининг чап қисмида Мирзо Улуғбек ҳайкали тасвирланган. Шунингдек, кўриш қобилияти суст бўлган инсонлар учун номинал қийматини шартли бўртма белгиси ҳам мавжуд.
Марказий банк шу йилнинг 15 январида Олий Мажлис Сенати 100 минг сўмлик номиналдаги банкнота намунаси ва дизайнини маъқуллаганини маълум қилган эди.
Йирик номиналдаги банкнотани чиқаришдан мақсад аҳоли учун нақд пул муомаласини қулайлатиш, нақд пул сақлаш ва ташиш ҳаражатини камайтириш, банкоматлар хизматини енгиллатиш, муомаладаги нақд пул таркибини оптималлаштириш, деб изоҳланган.
Аммо, Марказий банк хабар берганидан саноқли кунлар ўтиб, нафақат ўзбек сўми, балки бошқа давлат пулларини босиб чиқараëтган қиммат машиналардан иккитаси ишдан чиққани ҳақида хабар қилинган эди.
Жараëнга бевосита алоқадор мулозимнинг билдиришича, кейинги бир ой ичида иккита пул босиш машинасининг кетма-кет куйиб қолганига босма фабрика жойлашган Юнусобод туманида светнинг тез-тез ўчиб туриши сабаб бўлган.
Тошкент молия тизимидаги бошқа бир мулозим эса, бунга 2000 йилларда олиб келинган бу машиналарнинг эскирганини сабаб қилиб кўрсатган эди.