Университет масъулияти чекланган жамият шаклидаги нодавлат олий таълим ташкилоти ҳисобланади.
Абитуриентларни қабул қилиш ва битирувчиларни аттестациядан ўтказиш тартиби ва қоидалари хорижий ҳамкорлар билан келишилган ҳолда белгиланади.
Бакалавриат таълим йўналишлари ва магистратура мутахассисликларига қабул квоталари Университет томонидан белгиланади.
Университетда таълим олиш тўлов-контракт асосида кундузги шаклда амалга оширилади.
Университет битирувчиларига Ўзбекистонда олий маълумот сифатида эътироф этиладиган диплом берилади.
Адлия вазирлиги хабарида Акфа университети таълим жараёни инглиз тилида етакчи хорижий олий таълим муассасалари билан ҳамкорликда амалга оширилажаги айтилган. Бироқ ўқув юртининг қайси чет эл университети билан очилиши тўғрисида ҳеч нарса айтилмаган.
2018 йилнинг октябрида Жанубий Кореянинг Гачон университети билан ҳамкорликда илк тиббий хусусий олийгоҳ - Akfa университети очилиши кутилаётгани тўғрисида хабар қилинган эди.
Ўшанда, шунингдек, бу ўқув юрти муассиси кейинги йилларда, айниқса, Шавкат Мирзиëев ҳокимиятга келганидан сўнг, бизнес ва сиëсий доираларида танилган шахс - Тошкент шаҳар ҳокими Жаҳонгир Ортиқхўжаевга тегишли Akfa ширкати эканлиги ҳам айтилган.