Шифокорларнинг сўзларига кўра, Скрипаль заҳарланган "Новичок" асаб-фалажловчи воситаси у организмдан тўлиқ чиқариб ташлангандан сўнг ҳам таъсир қилишда давом этади.
Сергей Скрипаль ва унинг қизи Юлия 2018 йил март ойида заҳарланганди. Британ терговчилари баёнотига асосланган мавжуд маълумотларга кўра, Россия разведкасининг икки агенти сохта ҳужжатлар билан Буюк Британияга келади ва Скрипаллар уйи эшиги тутқичига заҳар суртишади.
17 февраль куни Англиянинг Солсбери шаҳридаги бош черковга номаълум шахслар томонидан Россия байроғи ўрнатиб кетилади.
Ўтган йил британ расмийлари томонидан ДРБ зобитлари Анатолий Чепига ва Александр Мишкин Скрипалларга суиқасд қилишга алоқадорликда гумондор эканликлари эълон қилинганди. Шундан сўнг ҳар икки агент ҳам RT телеканалига берган интервьюсида Солсберига шаҳар черковини томоша қилиш учун ташриф буюришганини айтиб ўтишган.