Ссылки доступа

Гумонбарони дуздии маснуоти заргарӣ дар марзи Ӯзбекистону Қирғизистон боздошт шуданд


Раёсати марзбонии Қирғизистон дар вилояти Ҷалолободи ин кишвар ҳамроҳ бо кормандони милиса гумонбарони дуздии маснуоти заргариро боздошт карданд. Дар ин бора Хадамоти марзбонии Қирғизистон иттилоъ медиҳад.

Ба иттилои ин ниҳод, дуздӣ аз Фурушгоҳи марказии Ҷалолобод сурат гирифтааст. Панҷ гумонбар ҳангоми убури гузаргоҳи марзии "Маданият" дар сарҳади Қирғизистон бо Ӯзбекистон боздошт шуданд.

"Ҳангоми тафтиш аз онҳо маснуоти заргарӣ - зару зевари тило пайдо шуд. Баъди тартиб додани ҳуҷҷатҳо боздоштшудаҳо ба ихтиёри мақомоти милисаи вилояти Ҷалолобод супорида шуданд", - хабар медиҳад Хадамоти марзбонии Қирғизистон.

XS
SM
MD
LG