«Өткен сенбі және жексенбі күні медициналық мекемелерге 31 адам түскен. Біз олардың бәрін тексеріп, 23-ін ауруханаға жатқыздық. Қазір ауруханада қызылшадан емделіп 58 адам жатыр. Олардың тең жартысы екпе алмаған екі жасқа дейінгі сәбилер», - деді Алиев.
Ал қалғаны екпе алмаған ересектер.
2018 жылдың қазан айында Бішкекте қызылша кеселі асқынып, алты айлық сәби көз жұмған. Мамандардың айтуынша, ата-анасы екпе салдырудан бас тартқан.
Былтыр Еуропада қызылша індеті 40 адамды өмірден алып кеткен.