Ссылки доступа

Олмаотада қизини олти йил ҳўрлаган онага олти йил қамоқ жазоси берилди (видео)


В Алма-Ате дали шесть лет колонии матери, которая шесть лет издевалась над дочерью
пожалуйста, подождите

No media source currently available

0:00 0:02:32 0:00

Олмаота суди 18 феврал куни ўз қизи Дианани олти йил мобайнида ҳўрлаб келган – қизини уйдан чиқармай, мунтазам равишда калтаклаб келган - Анна Иванова устидан ҳукм чиқарди. Аёл 6 йил ўрта хавфсизлик даражасидаги колонияга ҳукм қилинди.

Cуд уни фарзанди соғлиғига зиён етказиш ва оналик вазифасини адо этмасликда айбдор деб топди, у Дианага ёмон муносабатда бўлган ҳар бир йили учун колонияда ўтирадиган бўлди.

Диана билан юз берган воқеа ҳақида, Настоящее Время телеканали аввал ҳикоя қилган эди. Қозоғистонликлар қиз ҳақида илк бор 2011 йилда, Диана реанимацияга тушиб қолганида хабар топган эди: ўшанда қизчани бувиси ҳасса билан урган эди. Шундан сўнг пенсионер аёлга қиз билан мулоқот қилиши тақиқланган ва Россияга чиқариб юборилган эди, Диана эса онаси билан яшаб қолди. Шундан кейин қизча мактабга қатнамай қўйди: ўзининг айтишича, ерда ухлаган, уйга бегоналар келгудек бўлса уни шифоньерга яшириб қўйишарди ёки ваннахонага қамаб қўйишарди.

Қиз судда онаси қандай қилиб ўзини ҳўрлагани юзасидан батафсил сўзлаб берди. Аёл қизнинг қулоқларини омбир билан бурар, тишини болға билан синдирар, қўлларини ҳам синдирар эди. Экспертларнинг таъкидлашларича, Иванова шунчалик шафқатсиз эдики, ҳамиша қизининг олган яралари битмай туриб, жароҳат олган жойига зиён етказар эди.

Аннанинг ўзи айбига қисман иқрор бўлди: судда у қизини сабабсиз жазоламаганини, «айбига қараб» жазолаганини айтди.

Дианадан ташқари Анна Иванованинг яна ики фарзанди бор, каттаси 18 ёшда. Диана ҳозир қўшни шаҳарда вақтинчалик ота-онасининг қўлида яшамоқда. Кейинроқ Васийлик кенгаши унга расмий васийни тайинлайди, мана шу васий қизни тарбиялайди.

Қизнинг вақтинчалик васийси Надежда Барсукова қийноқларнинг мунтазамлилиги ва онанинг қизига нисбатан шафқатсизлигини назарда тутган ҳолда ҳукм жуда ҳам юмшоқ бўлганини таъкидлади.

Ишни кўриб чиққан судья Анна Ивановага нисбатан чиқарган ҳукмдан ташқари, васийлик идоралари ва Олмаота ювенал полицияси фаолиятини текшириб кўриш борасида ҳам қарор чиқарди. Қарорда таъкидланишича, қизча мактабга қатнаётганида ўқитувчи ва ижтимоий хизмат ходимлари бир неча бор унинг юзидаги жароҳатларни кўришган. Аммо бирор бир чора кўришмаган.

XS
SM
MD
LG