Ссылки доступа

Бишкекда сўнгги икки кун мобайнида қизамиқ гумони билан 23 киши шифохонага ётқизилди


Бишкекда сўнгги икки кун ичида қизамиқ гумони билан 23 киши шифохонага ётқизилди. Бу ҳақда Республика юқумли касалликлар шифохонасининг бош шифокори Гулжигит Алиев маълум қилди.

«Шанба ва якшанба кунлари тиббиёт муассасига 31 киши мурожаат қилди. Биз уларни текшириб кўрганимиздан сўнг 23 кишини стационар даволаш борасида қарорга келдик. Бизнинг шифохонамизда қизамиқдан 58 киши даволанмоқда. Уларнинг ярми бир ёшга тўлмаган эмланмаган болалардир», -дейди Алиев.

Унинг сўзларига қараганда, беморларнинг қолган ярми – эмланмаган катталардир.

2018 йилнинг октябрида Бишкекда қизамиқ асорати туфайли 6 ойлик чақалоқ вафот этган эди. Мутахассисларнинг сўзларига қараганда, касаликка эмлашдан бўйин товлаш сабаб бўлмоқда.

Ўтган йили Европада қизамиқ эпидемияси 40 кишини ҳаётдан олиб кетди.

XS
SM
MD
LG