Оның айтуынша, жұмыс тобы 2018 жылдың соңында құрылған. "Телефон арқылы алдын ала келіссөздер жүргізілді. Оған бірінші вице-премьер қатысты", - деді шенеунік.
Өзбекстан билігі президент Шавкат Мирзияев билікке келген 2017 жылы "Қамбарата-1" ГЭС-інің құрылысына қатысқысы келетінін мәлімдеді.
Су электр станциясын Нарын өзені бойында тұрғызу туралы жоба бірнеше жылдан бері талқыланып келеді. Станция құрылысын 1980-жылдардың аяғында бастау жоспарланған. Бірақ осы уақытқа дейін жоба жүзеге асырылмады.
"Қамбарата" ГЭС-іне қатысты соңғы келісім 2012 жылы Қырғызстан мен Ресей арасында жасалған. Бірақ 2016 жылы қырғыз тарапы бұл келісімнің күшін жойды.