19 февралда у Хитойдаги Ўзбекистон элчихонаси кўмагида ватанига учиб кетди. Хитойдаги Ўзбекистон консули Бобур Яхёевга кўра, Саида Тошкентга етиб борган.
Бундан олдин қиз ижтимоий тармоқлар орқали журналистларга унга ёрдам беришларини сўраб мурожаат қилганди. Саида хитойликка турмушга чиққанини айтади.
Унинг қайд этишича, эри уни ваннахонага қамаб қўйган ва у ерда бир ҳафта яшаган. Ювиниш хонасида фақатгина битта табуретка бўлган. Қиз ҳамма вақтини уни устида ўтказган. Саида турмуш ўртоғи унга нисабатан нафақат жисмоний, балки жинсий зўравонлик қўллагани ҳақида гапириб берган. У видеоалоқа орқали ўзи яшаётган хона ва эрининг “секс-ўйинчоқлари”ни кўрсатган. Хитойлик эркак хотини билан яқинлик қилганда ушбу буюмларни ишлатишга бир неча маротаба мажбурлаган.
Саида Хитой фуқаросига оиласида молиявий муаммолар туфайли турмушга чиққанини ҳам тан олган. Чет эллик турмуш ўртоқ топиш мақсадида никоҳ агентлиги хизматидан фойдаланган. Саида билан боғлиқ тарих ижтимоий тармоқлар фойдаланувчилари ўртасида қизғин муҳокамаларга сабаб бўлди.
Қизнинг айтишича, Ўзбекистоннинг Хитойдаги элчихонаси уни қидириб топиб, ҳимоясига олишган.