Ссылки доступа

Шимолий Корея етакчиси Трамп билан учрашиш мақсадида Вьетнамга келди


Шимолий Корея етакчиси Ким Чен Ин АҚШ президенти Дональд Трамп билан иккинчи саммит арафасида Вьетнамга келди. У тушган поезд Хитой чегарасидан кесиб ўтганидан сўнг Донгданг шаҳридаги станцияда тўхтати, дея хабар беради Reuters.

Ким Чен Инни вокзалда Вьетнам расмийлари қизил гилам ва фахрий қоровул билан кутиб олди. КХДР раҳбарининг АҚШ президенти билан учрашиш учун Ханойга машинада бориши кутилмоқда. Дональд Трамп Ханойга сешанба куни кечроқ келиши кутилмоқда.

Вашингтондан учиб кетишидан аввал Трамп Твиттерда: «Тўлалигича денуклеаризациядан сўнг Шимолий Корея иқтисодий ривожланиш генераторига айланади. Бусиз аввалгилгидек қолаверади. Раис Ким тўғри қарор қабул қилади», дея ёзди.

АҚШ ва Шимолий Корея етакчиларининг иккинчи учрашуви 27 ва 28 феврал кунлари бўлиб ўтиши кутилмоқда. Саммитда худди 2018 йил 12 июнида Сингпурда бўлиб ўтган биринчи саммит сингари КХДРнинг ядровий қуролсизланиши муҳокама қилинади. Ўшанда томонлар имзолаган ҳужжатда АҚШ томонидан кафолатланадиган хавфсизлик ҳисобига Пхеньян ядровий қуролсизланиши керак эди. Бироқ, кейинроқ ОАВ КХДР ядро қуроллари устида иш олиб бораётганини ёзди.

XS
SM
MD
LG