Маълумотда айтилишича, Олий Мажлис депутати 1 миллион 560 минг 413 сўм, вилоят ҳокими 1 миллион 889 минг 783 сўм, туман ҳокими 1 миллион 643 минг 329 сўм, Бош вазир ўринбосари 2 миллион 75 минг 955 сўм, вазир 1 миллион 727 минг 665 сўм, қўмита ва агентликлар раислари 1 миллион 643 минг 329 сўм ойлик олади.
Хабарда айтилишича, бу ойликка маошнинг 20 фоизи миқдорида алоҳида меҳнат шароитлари учун, 20−30 фоиз миқдорида белгиланган хизмат муддатини ўтагани учун устама қўшилади.
Бундан ташқари давлат хизматчилари ойликларига 40 фоиз миқдорида меҳнатни рағбатлаштириш коэффициенти қўшилади.
Кўп йиллик хизмат қилгани учун мансаб маошининг 20−30 фоизи миқдоридаги устама ва 15−25 фоизи миқдорида моддий рағбатлантириш берилади.
Молия вазирлиги тақдим этган маълумотда президент ва Бош вазирнинг ойликлари тўғрисида айтилмаган.