"Икки мамлакат вакиллари келажакда музокораларни давом эттирадилар " -дейилади баёнотда.
Қабул қилинган ҳужжатларни имзолаш маросимидан кейин режалаштирилган Трамп ва Кимнинг биргаликда тушлиги бекор қилинди. Трамп ва Ким Чен Ин музокаралар ўтказилган жойни тарк этишди.
Саммит якунлари бўйича ўтказилган матбуот анжуманида Трамп баёнот бериб, КХДР етакчиси билан бўлиб ўтган музокараларда асосий муаммо Шимолий Корея томонининг ядро қуролдан воз кечиш эвазига Пхеньянга нисбатан жорий қилинган санкцияларни бутунлай бекор қилиш тўғрисидаги талаби бўлди, бироқ Қўшма Штатлар бу талабга рози бўлмади.
Шу билан бирга Трамп ҳам, Давлат котиби Майк Помпео ҳам баёнот бериб, ҳамон КХДР билан эришиладиган келишув ютуқларига нисбатан "оптимизм кайфиятлари" сақланиб қолишини таъкидлашди. Помпеонинг сўзларига қараганда, бу галги саммит бу мақсадларга яқинлашишга ёрдам беради, бироқ минг афсуски, мавжуд йўлни тўлалигича босиб ўтишнинг имкони бўлмай турибди. Трамп ҳамиша бўлгани каби, ўзининг Ким билан муносабатлари яхши эканлигини ва бу муносабатлар дўстона эканлигини айтди.
АҚШ президентининг сўзларига қараганда, КХДР етакчиси унга ядро-ракета синовларини ўтказмасликка ваъда берган.
Пайшанба Трамп ва Ким ўртасидаги музокараларнинг иккинчи куни бўлди – унда асосан Пхеньяннинг ядровий қуролсизланиш масаласи муҳокама қилинди. Бугунги учрашув олдидан Трамп “тўғри келишув”га эришишда шошилмаслигнини маълум қилди. Агар "алоқалар яхши бўлса, у ҳолда эзгу ишлар ҳам амалга ошади", - дея баёнот берди АҚШ президенти. Ким Чен Иннинг таъкидлашича, уларнинг учрашувини “бутун дунё” кўриб турибди, бу учрашувнинг айрим кўринишлари “фантастик фильм” сюжетларига ўхшайди.
Пайшанба кунги музокаралар учун беш соат ажратилган эди, аммо атиги уч соат давом этди. Бу АҚШ ва КХДР раҳбарларининг иккинчи саммитидир. Биринчи учрашув ўтган йилнинг июнь ойида Сингапурда бўлиб ўтган ва АҚШ томонидан бериладиган кафолат эвазига Шимолий Корея қуролсизланишига бағишланган ҳужжатнинг имзоланиши билан якунланган эди. Бироқ, кейинроқ ОАВ КХДР ядро қуроллари устида фаолиятини давом эттираётгани ҳақида маълум қилди.