«Биз қамоқхонада Атамбаев [...]учун жой бўшатдик. Биз Бектур Асанов ва Эрнест Қарибеков билан 2013 йилдан бери очиқчасига: сен жиноий гурух тузаяпсан, давлатни ўмараяпсан, коррупция иши билан шуғулланаяпсан, дея айтиб келганмиз. Бугун бу гапларнинг ҳаммаси исботини топмоқда. Атамбаев коррупция тизими бошида Абдил Сегизбаев, Болот Суюмбаев, Фарид Ниязов, Индира Жолдубаева, Улан Исраиловнинг қўллаб қувватлаши билан турди. Улар мамлакатни худди ўз мулклари каби бошқаришди. Биз энди бунга йўл қўймаймиз. Атамбаевнинг жойи қамоқхона бўлиши керак. У билан бирга жамоасининг ҳаммаси ўтириши керак. Улар амалдаги хукуматга сиёсий оппонент эмас, балки коррупционерлардир», -дея баёнот берди Қубаничбек Қадиров.
Бектур Асанов ва Қубаничбек Қодиров 2016 йилнинг март ойида “ҳокимиятни куч билан эгаллаб олишга уриниш” айби билан қўлга олинган эди. Суд жараёни икки йилдан ортиқ вақт давом этди, 2018 йил 7 июн куни Олий суд якуний қарор чиқарди, унга кўра Асанов ва Қодировнинг ҳар бирига 8 йилдан қамоқ жазоси берилди, улар билан бирга ушланган Эрнест Қарибеков 14 йил озодликдан маҳрум қилинди. Бундан ташқари собиқ давлат котиби Дастан Саригулов шартли равишда тўрт йил қамоққа ҳукм қилинди.
Ҳукм қилинганларнинг ўзлари ва уларнинг тарафдорлари уларга нисбатан очилган жиноий иш сиёсийлаштирилганини айтиб келади ва суд қарори қайта кўриб чиқилишини талаб қилишади.
12 феврал куни Асанов ва Қодиров шартли равишда озодликка чиқиш бўйича озод қилинди.