- Олий суд янги вазиятлар туфайли Омурбек Текебаев ишини қайта кўриб чиқишга қарор қилди. Суд жараёни 23 апрелга белгиланди. Агар суд ишни адолатли, холисона ва очиқ кўриб чиқадиган бўлса, у ҳолда Омурбек Текебаев оқланади, - дейди Шикмаматов.
Бундан аввал «Адилет» ҳуқуқий клиникаси янги Жиноят Кодекс ва Жиноят-процессуал Кодекси кучга кириши муносабатлари билан янги вазият юзага келиши туфайли иш қайта кўриб чиқилиши борасида Олий судга мурожаат қилган эди.
«Ата Мекен» партияси етакчиси, парламент собиқ спикери, бир нечта чақириқдаги парламент депутати Омурбек Текебаев ва унинг партиядоши, ҚРнинг Жанубий Кореядаги собиқ элчиси Дуйшенқул Чотонов 2017 йилда россиялик тадбиркор Леонид Маевскийнинг кўрсатмасига асосан «Коррупция» моддаси бўйича айбланган ваҳар бири саккиз йил муддатга қамоққа ҳукм қилинган эди.
Кейинроқ, 2018 йилнинг ноябр ойида, Маевскийнинг ўзи Москвадаги Твер суди қарори билан 2019 йилнинг январ ойигача қамоқ жўнатилди, у $37,5 млн таъмагирликда айбланди. Яқинда маълум бўлишича, унинг матбуот котиби Максим Букин ҳам ушланган.
10 январ куни маълум бўлишича, ҚР президенти қошидаги Афв масалалари бўйича Комиссия давлат раҳбарига Омурбек Текебаевни афв қилиш тўғрисида мурожаат қилган Роза Отунбаева илтимосномасини рад қилган.