Гамбургдан олиб келинган янги самолёт 150 йўловчини ташишга мўлжалланган. A320neo ўз туридаги самолётлар орасида ёнилғини 20 фоизга тежаши ва 5000 километргача парвоз масофасига эгалиги билан ҳам ажралиб туради.
«Ўзбекистон ҳаво йўллари» ширкатининг билдиришича, иккита Airbus A320neo самолётини сотиб олиш бўйича шартнома 2017 йилда имзоланган эди. Иккинчи самолёт апрель ойида етиб кеиши кутилмоқда. 2020 йилнинг октябрь-ноябрида учинчи Airbus A320neoни сотиб олиш режалаштирилган.
Бундан ташқари жорий йилнинг апрель-июнь ойлари оралиғида иккита Boeing 787 Dreamliner самолётларининг олиб келиниши режалаштирилган.
2018 йилнинг 24 декабрь куни миллий авиаширкатга қарашли 200 миллион долларлик Boeing 787-8 Dreamliner самолёти икки йилда ишдан чиққани хабар қилинган эди.