"Агар жиддий далиллар пайдо бўлмайдиган бўлса, импичмент жамиятда тарқоқликка олиб келади, агар ишончли далиллар пайдо бўлгудек бўлса, у холда бу қадамларни қўллаб қувватлашимиз керак, мен бу йўлдан борамиз, дея ўйламайман", - дея баёнот берди Пелоси журналистларнинг саволларига берган жавобида.
Президентга нисбатан импичмент масаласи бир нечта қонун чиқарувчи демократлар томонидан ошкора кўтарилган эди, уларнинг фикрича, президент Трампнинг айрим ҳатти ҳаракатлари, масалан, Россия бўйича терговга аралашуви мансабидан четлаштириш учун асос бўладиган ҳаракат сифатида кўрилиши мумкин. Бу жараённинг самарасиз бўлган биринчи уриниши конгрессмен-демократ Брэд Шерман томонидан 2017 йилда илгари сурилган эди. Вакиллар палатасида кўпчиликни ташкил қилувчи демократлар айни дамда президентгаимпичмент эълон қилишлари мумкин, бироқ бу қарор Сенат томонидан маъқулланмаслиги мумкин. Конституцияга кўра, президентни ҳокимиятдан четлаштириш учун якуний қарор Сенат томонидан қабул қилинади. Сенатда кўпроқ ўрин республикачиларга тегишлидир.
Ижтимоий сўровларга кўра, америкаликларнинг кўпчилиги президент импичменти ғоясини қўллаб-қувватламайди. Демократик партия раҳбарияти бундай қадам президентга хайриҳоҳларнинг кўпайиб кетишидан ва бир ярим йилдан кейин бўлиб ўтадиган президентлик сайловларида демократик партия номзодининг имкониятларига салбий таъсир кўрсатишидан хавотир олмоқда.
Нэнси Пелосининг импичментни қўллаб-қувватлашдан расман воз кечиши бу ташаббус Вакиллар палатасида қўллаб-қувватланишига умид йўқлигидан далолат беради.