Миллий олимпия қўмитасининг 13 март куни хабар беришича, 64 килогача бўлган вазн тоифасида Кумушхон Файзуллаева даст кўтаришда 93 кило, силтаб кўтаришда 122 кило, жами 215 кило тошни кўтариб, олтин медални қўлга киритди. Бу натижа жаҳон рекорди сифатида эътироф этилди.
Аввалроқ 14 ёшли Нигора Абдуллаева 49 килогача бўлган вазн тоифасида учта олтин медални қўлга киритган эди. У даст кўтаришда 75 кило, силтаб кўтаришда 90 кило, жами 165 кило тошни кўтарган.
Ўғил болалар ўртасида 73 килогача бўлган вазн тоифасида Асадбек Наримонов даст кўтаришда 133 кило тошни ўзига бўйсундириб, жаҳон чемпиони бўлди. Ўсмир силтаб кўтаришда 154 килони кўтариб, кумуш медалга сазовор бўлди.
Лас-Вегасдаги жаҳон чемпионати 15 март куни якунланади. Унда 50 мамлакатдан 13-17 ёшгача бўлган икки юз нафардан кўпроқ спортчи қатнашмоқда. Мусобақада Ўзбекистон терма жамоасини саккиз нафар спортчи тамсил этмоқда.