Ходимлар улар истиқомат қиладиган жойга чоршанба куни кечки тўққизларда боришди ва уларни полиция бўлимида бир ярим соатга яқин ушлаб турдилар. Ушланганлар орасида аёллар ва кексалар ҳам бор эди.
Сўнгги бир неча кун мобайнида ўнлаб ишсизлар шаҳар ҳокимияти биноси олдида тўпланиб, ўзларини иш билан таъминлашларини талаб қилмоқда. Бошқарма ходимларининг сўзларига қараганда, 13 март куни ҳокимият биноси олдида тўпланганлар олдига полиция ходими келиб, уларнинг йиғилиши “қонунга зид” эканлигини айтган.
Аҳолининг сўзларига кўра, етиб келган полиция вакиллари тўпланганларни ҳокимият биносидан суратга ва видеога олган, ҳамда видеоёзувлар ёрдами билан уларнинг шахсларини аниқлашган. Уларнинг айтишларича, етиб келган полиция ходимлари: «[Ҳокимият олдида] нима қилаяпсан? Нима учун ҳар куни келаяпсан? Сен митингда эканингни биласанми? Бу қонунга зид. Бошқа келма, агар келадиган бўлсанг, у ҳолда жавобгарликка тортириласан», деган. Бунга жавобан тўпланганлар: «Митингга эмас, балки ишга жойлаштиришни сўраб чиқдик. Уйда оч ўтирмаймиз-ку?», дея жавоб қайтаришган.
Бошқармага етиб келган “Озодлик” мухбирига полиция вакили “суҳбат ўтказилаётганини, олиб келиш сабаблари ўрганилаётганини” ва “тез орада улар қўйиб юборилишини, бу ерда ҳеч ким қолмаслигини” айтган.
11 март куни Жанаозенда 50–60 га яқин иш берилишини талаб қилувчилар шаҳар ҳокимияти биноси олдида тўпланди. Намойишчилар Қозоғистон президенти Нурсултон Назарбоев номига мурожаатнома ёздилар ва ўз талабларини Остонага етказиш ниятида эканликларини айтишди.
Ойлик маош 150–200 минг тенге (400 долларга яқин) бўлган иш топиб бериш мақсадида Жанаозен аҳолиси феврал ойи бошларидан бери шаҳар расмийларига талаб қўйиб келмоқда. Аҳоли полиция томонидан иштиркчиларга нисбатан “босим бўлаётганини” маълум қилди. Полиция босим тўғрисидаги баёнотларни инкор қилади.
Мангистау вилоят прокуратураси 26 феврал куни баёнот бериб, шаҳарда “жамоат тартибини бузганлик” айби билан 23 февралдан 25 февралга қадар 16 киши беш кундан етти кунгача ушланганини маълум қилди, улар “жамоат жойларни ифлослантирганлик, сўкканлик, бошқа, атайлаб қилинган ҳаракатлар, жамоатчиликка ҳурматсизлик” бўйича жавобгарликка тортилди.