«Қырғызстан Қаржы министрлігі мемлекеттік кірістер жөніндегі комитеттің ақпараты бойынша, шекарада келесі құжаттар бойынша тексеру жүріп жатыр: CMR (халықаралық тауар-көлік жүк құжаты), тауар-көлік жүк құжаты, инвойс немесе счет-фактура, көлік құралына техпаспорт, шекарадан өту жөніндегі талон. Бұл Еуразиялық экономикалық одақтың (ЕАЭО) кеденнен еркін өту жөніндегі ережелерін бұзады», - деп мәлімдеді экономика министрлігі.
19 наурыздан бері қырғыз-қазақ шекарасында тексеру күшейген.
«Қырғызстан Қазақстанның шекарада бақылау шараларын күшейтуін ЕАЭО талаптарын бұзу деп есептейді. Бұл экономикалық қарым-қатынасқа кері әсерін тигізеді», - делінген мәлімдемеде.
2 сәуірдегі мәлімет бойынша «Актілек - Автодорожный» шекара өткізу бекетінде 253 жүк көлігі кезек күтіп тұр. Қазақстан көліктердің кептеліп қалуын, жүк тасымалдаушылардың тексеруден өтуден қашуымен түсіндірді.