Ссылки доступа

Қырғыз парламенті экс-президенттерін жауапкершілікке тартуға рұқсат берді


Жогорку Кеңеш экс-президенттерге қол тигізбеу құқығынан ажырату жөнінде заң жобасын үшінші оқылымда бір дауыстан қабылдады.

Бұған дейін Конституциялық палата «экс-президентке қол тигізбеу құқығын алып тастау соңғы президентке импичмент жариялау процедураларынан жеңіл болмауы керек» деген пікірін білдірген.

«Президенттің кепілдіктері жөніндегі» заңға өзгерту енгізу бойынша Жогорку Кеңештегі «Өнүгүү-Прогресс» фракциясынан Исхак Масалиев пен «Республика – Ата Журттан» Курманкул Зулушев ұсыныс білдірген. Парламент бұл заң жобасын былтыр желтоқсан айында бірінші оқылымда көпшілік дауыспен мақұлдаған.

Экс-президентке қол сұғылмауды алып тастау жөнінде алғаш рет 2018 жылы Бішкек Жылу электр орталығындағы апаттан кейін көтерілді. Депутат Масалиев бұған тікелей президент Алмазбек Атамбаевтың қатысы барын айтқан.

XS
SM
MD
LG