Тәжік тарабы шекара мәселесін шешуде нәтиже барын мәлімдеді. Екі елдің ресми делегацияларына Тәжікстан вице-премьері Азим Иброхим мен оның қырғыз әріптесі Жеңиш Разаков жетекшілік еткен.
Кездесу БАҚ өкілдерінің қатысуынсыз, жабық есік жағдайында өткен.
Келіссөздер 13-14 наурызда тәжік-қырғыз шекарасында болған кезекті жанжалдан кейін өтіп отыр. Ресми мәлімет бойынша, екі тараптан 20 адам жараланып, екі тәжік азаматы қаза тапқан.
Қырғыз шекара қызметінің мәліметі бойынша, қырғызстандық Ақ-Сай мен тәжікстандық Мехнатабад ауылы тұрғындары арасында жанжал шыққан. Екі тарап бір-бірлеріне тас лақтырған, кейін қырғыз шекарашылары оқ атқан.