Ашхабад тұрғындары мен қонақтарының қалада қоғамдық әжетхана табуы қиындап кетті. Олар әкімшілік ғимараттары мен сауда орталықтарының әжетханаларына сұрануға мәжбүр.
Опера және балет театрына жақын орналасқан "Chicken" фаст-фудының бір қызметкерінің айтуынша, әсіресе мереке және демалыс күндері әжетханаға сұранушылар саны көбейеді.
"Әжетханаға кезекке тұрғандардың көптігі сонша, соны салдарынан күніне екі мәрте сантехник шақыртуға мәжбүр боласың", - дейді фаст-фуд қызметкері Мунира.
Душанбе тұрғыны Елена Борисовнаның пікірінше, қоғамдық әжетханалардың тапшылығына байланысты кейбір қала тұрғындары жол шетінде, алаңдарда әжет сындыруға мәжбүр. "Қала басшылығы бұл мәселені шешуі тиіс", - дейді ол.
Қала әкімшілігі қоғамдық әжетханалар құрылысын жоспарлап отырғанын хабарлады, бірақ олардың көп болуы қала сәнін бұзатынын да ескертті.
Қоғамдық әжетханалардың аздығынан жақында қалада оқыс оқиға тіркелді - 31 наурызда милицияның екі қызметкеі Душанбе тұрғыны Умед Хикоятовтың өзен жағалауында дәрет сындырғанын көріп қойып, оны бөлімшеде аяусыз ұрған. Ауруханада науқастың қуығы жарылып кеткені анықталды.