Ссылки доступа

Назарбоев истеъфодан сўнг илк бор Қозоғистон Хавфсизлик Кенгаши мажлисини ўтказди


Қозоғистон собиқ президенти Нурсултан Назарбоев 10 апрел куни Қозоғистон Хавфсизлик Кенгашининг мажлисини ўтказди.

Мажлисда президент Қасим-Жомарт Токаев, Бош вазир Асқар Мамин, сенат спикери Дариға Назарбоева, Мажилис раиси Нурлан Нигматулин, президент ёрдамчиси – Хавфсизлик Кенгаши котиби Қалмуханбет Қасимов, ташқи ишлар вазири Бейбут Аламқулов, мудофа вазири Нурлан Ермекбаев ва ички ишлар вазири Ерлан Тургмубаев ва бошқалар қатнашди.

Назарбоев ўз нутқининг катта қисмини муддатдан аввал президент ваколатларини топширган 20 мартдан кейин мамлакатда юз берган воқеаларга, хукумат транзити ва 2019 йи 9 июнга белгиланган навбатдан ташқари президентлик сайловларига бағишлади.

Назарбоевнинг сўзларига қараганда, у "жамиятда ташвиш, афсус, шу билан бирга умид ва кутиш мавжудлиги борлигини” билади. “Мен буларнинг барчаси ҳаммани тинчлантириш учун қилинганини ва танланган йўл давом этаверишини, мен шу ерда эканлигимни ва ҳаммамиз ватанимиз фаровонлиги йўлида фаолият юритишимизни айтиб ўтаман”, деди элбоши.

Назарбоев шунингдек, президент Токаев Конституциянинг «моддаларига қатьий амал қилган ҳолда” сайловларни белгилаганини, бу қарорнинг ўзи “тўғри” ва “қонуний хокимиятнинг мустаҳкамланиши йўлида зарур экан”лигини таъкидлаб ўтди. Шунингдек, Назарбоев “сайловларни қонунчиликка мос равишда ўтказилиши учун” ва “барча демократик меъёр ва процедураларга амал қилган ҳолда”ҳамма шароитларни яратиш” зарурлигини қайд қилди.

У “Хавфсизлик Кенгаши мамлакат олий раҳбариятининг барча вакилларидан ташкил топган. Биз ҳаммамиз эндиликда бу масала билан шуғулланишга ва сайлов олди кампаниясида фаол иштирок этишга ва сайлов билан боғлиқ барча тадбирларни ўтказишга маъсулмиз”, деди.

Сенат спикери бўлгани боис Назарбоев истеъфосидан сўнг 20 март куни президентлик ваколатларини қабул қилиб олган Токаев 9 апрел куни 9 июнда навбатдан ташқари президентлик сайловлари ўтказилиши ҳақида қарор қабул қилди. 10 апрел куни Марказий Сайлов комиссияси номзодларникўрсатиш 28 апрелга қадар давом этишини билдирди.

XS
SM
MD
LG