Ссылки доступа

Ўзбекистонлик аёлни ҳақорат қилган ўқитувчи "экстремистлар рўйхати"га киритилди


Новосибирскда ўзбекистонлик муҳожир аёлни ҳақорат қилган ўқитувчи экстремистлар рўйхатига киритилди ва унга қарши жиноят иши қўзғатилди.

Новости агентлигининг хабар беришича, ўқитувчи Наталья Оганисян ота-оналар мажлиси пайтида ўқувчисининг онаси бўлган ўзбекистонлик аёлга "Рус тилини ўқи, сурбет!", "Уйингга кет" каби ҳақоратли сўзларни айтган.

Новосибирск вилояти Болотинск туман прокуратураси ота-оналардан бу борада тушган шикоят ортидан жиноят иши қўзғади.

Хабарда айтилишича, Оганисяннинг айбдор экани исботланса, у беш йилгача озодликдан маҳрум қилиниши мумкин.

Бундан ташқари ўқитувчи судга қадар Росфинмониторингнинг экстремистлар ва террорчилар рўйхатига киритилди. Унинг барча банк ҳисоблари музлатиб қўйилди.

Мактаб директори Антон Димитрюк ўқитувчи Оганисян ўзбекистонлик аёлнинг миллатини ҳақорат қилмаганини, фақат қўпол тарзда рус тилини ўрганишни маслаҳат қилганини айтди. Директорнинг фикрича, ўқитувчи айбсиздир.

XS
SM
MD
LG