Тәжікстан денсаулық сақтау министрлігінің есебі бойынша, тұрғындар 320 миллион долларды дәрігерлерге пара ретінде берген. Республикада халықтың 30 пайызы өте кедей тұрады.
Дәрігерлер науқастарды коммерциялық келісімге отырған дәріханалардан дәрі алуға жібереді. "Дәрігерлерге пара ретінде берілетін ақшаны әрбір тұрғынға бөлсек, 200 соминиден келеді. Одан да көп болуы мүмкін", – деді "Сино" жекеменшік клиникасының директоры Абдухалил Холикзода.
Тұрғындар дәрігерлерге пара беруге қарсы, бірақ мұндай қадамға амалдық жоқтығынан баратынын жасырмайды.
"Біз пара алмаймыз. Мен алмаймын. Оны науқастардың рахметі ретінде қарастырамын. Бірақ дәріханалармен жұмыс істейміз", - деді Душанбеде жұмыс істейтін дәрігерлердің бірі Лола.
2008 жылы Тәжікстанда денсаулық сақтау саласын реформалау туралы заң қабылданған. Бірақ ол жұмыс істемей тұр. Шенеуніктер 2022 жылы медициналық сақтандыру енгізу арқылы дәрігерлерге пара беру тоқтайды деп отыр.