Шу билан бирга у ҳарбий йўналиш бўйича амалий мулоқотларнинг тўхтатилишига альянс вакилларини айблади ва бу қарорни "абсурд" дея атади.
"Бугунги Россия – НАТО муносабатлари совуқ уруш йилларида НАТО томонидан ташкил этилган “одатий” ишлар ҳолатини эслатади. НАТОнинг ўзи Россия билан муносабатлар кун тартибидан воз кечди. Муносабатлар энди йўқ. Шунингдек, ҳозирча НАТОнинг боши берк кўчадан қандай қилиб чиқиб кетиш аломатлари ҳам йўқ", – дея таъкидлайди РФТИВ вакили.
Грушко шунингдек, НАТО мамлакатларининг ўтган йилги ҳарбий ҳаражатлари гўёки триллион доллардан ошиб кетганини, "бу Россиянинг мудофаага сарфлайдиган ҳаражатларидан 22 баробар кўплигини" таъкидлади. Унинг қайд қилишича, Москва "ҳарбий харажатларни оширишда НАТО билан пойгада иштирок этмоқчи эмас, балки “тежамли, аниқ ва самарали воситаларга” таянади.
"НАТО билан қуролли можарога тўхталадиган бўлсак, соғлом фикрли кишилар бу юз бермаслигига умид қилади. Бу инсоният учун фожиа бўлади. Ишонаманки, буни ҳам Вашингтондагилар, ҳам Брюсселдагилар яхши тушунади", – дея қўшимча қилди ўз сўзларига ТИВ раҳбарининг ўринбосари.
Бундан аввал НАТО вакиллари Россия билан муносабатларнинг узилишига маъсулиятни айнанКремль зиммасига юклаган ва Россиядан олиб бораётган “тажовузкор” сиёсатидан қатьиян воз кечишга чақиришган эди.
"Биз урушни истамаймиз, аммо чеклашни хоҳлаймиз. Биз Россияни яккалаб қўймоқчи эмасмиз, Росия билан ҳамкорликнинг энг яхши тизимини яратишни истаймиз", – дея таъкидлади НАТО бош котиби Йенс Столтенберг апрел бошларида АҚШ Конгрессида қилган чиқишида. Унинг фикрича, Россия томонидан қўйилиши керак бўлган қадамлардан бири НАТО билан мулоқотни йўлга қўйиши керак – ўрта ва яқин масофадаги ракетлар тўғрисидаги Шартномага қайтиши ва амал қилиши , Керч бўғозида қўлга олинган украин денгизчиларини озод қилиши, Донбассда уриб туширилган Малайзиянинг "Боинг"и фожиасидаги айбига иқрор бўлиши ва Донбасс бўйича Минск Келишувларига амал қилиши лозим.