Си Цзиньпин билан учрашувда Назарбаев Хитой билан “шу каби юқори даражали ўзаро тушуниш ва ҳамкорликда ишлагани” хақида баёнот берди.
Куни кеча Қозоғистон собиқ президенти Пекинда бўлиб ўтган “Бир макон-бир йўл” саммити чоғида "янги геосиёсий воқелик" яратиш зарурлигини таклиф қилди.
37та мамлакат раҳбари иштирок этган “Бир макон –бир йўл” саммити Хитойнинг қиймати триллион долларга тенг кенг қамровли инфратузилмавий лойиҳасини ҳаётга татбиқ этишга бағишланди. Унинг доирасида Хитой ва Африка, Европа ҳамда Осиёнинг айрим минтақалари ўртасидаги энергетик инфратузилмаларни, темирйўл ва денгиз йўлларини яхшилаш режалаштирилмоқда.
Лойиҳа АҚШ ва ЕИнинг бир қатор мамлакатлари томонидан танқид қилинди. Жумладан, уларнинг баёнотига қараганда, айрим ривожланаётган иштирокчи мамлакатлар қарз ботқоғига ботиб қоладилар, улар бу қарзларни тўлаш қобилиятига эга эмас.
Сўнгги вақтларда ҳуқуқ ҳимоячилари ва ғарб мамлакатлари Шинжонда “сиёсий қайта тарбиялаш лагерлари” дастурини амалётда кенг қўллаётгани учун Хитой ҳукуматиини кескин танқид қилиб келмоқда. Бу минтақада кўплаб этник гуруҳлар, асосан уйғурлар, шунингдек қозоқ, қирғиз, татар каби миллат вакиллари истиқомат қилади.
2017 йилдаёқ Назарбаев давлат идораларига мурожаат қилиб Шинжонда нималар юз бераётганини ўрганишга чақирган эди, Қозоғистон парламенти эса Хитойни қозоқ миллатига мансуб аҳолини сиқиб чиқараётганликда айблаган эди. Расмий Пекин “сиёсий қайта тарбиялаш лагерларида”ги қийноқлар борасидаги айбловларни инкор қилади.