Ссылки доступа

Бухородан 53 нафар йўловчини Паркентга олиб қайтаётган автобус ҳалокатга учради


Бухорога зиёратга борган 53 нафар йўловчини олиб қайтаётган автобус 29 апрель куни тунги соат иккилар атрофида 4R20 автомобиль йўлининг Ўртачирчиқ туманидан ўтувчи олтинчи илометрида аварияга учради.

Фавқулодда вазиятлар вазирлигининг билдиришича, Мерседес автобусининг баллони ёрилиб кетган. Оқибатда ҳайдовчи бошқарувни йўқотган. Автобус бетон тўсиққа бориб урилган ва ёна бошлаган. Йўловчилар автобусдан зудлик билан эвакуация қилинган.

“Барча йўловчилар тиббий кўрикдан ўтказилди. Улардан 2 нафари Ўртачирчиқ тумани шифохонасига, 5 нафари Республика тез тиббий ёрдам илмий марказига жойлаштирилди”, дейилади вазирлик хабарида.

Автобусда Тошкент вилояти Паркент туманидаги 31-ўрта мактабнинг 37 нафар ўқувчиси, 3 нафар ўқитувчиси, 10 нафар ота-она ҳамда 3 нафар ҳайдовчи бўлган.

XS
SM
MD
LG