Ссылки доступа

Қозоғистон Халқ бирдамлик кунини нишонламоқда


1 май куни Нур-Султонда Қозоғистон Халқ бирдамлик куни байрам қилинадиган шаҳар майдонига одамлар металлодетектордан текширилгандан сўнг киритилмоқда.

Майдон атрофи тўсиқлар билан қуршаб олинган. Бугун Казах ели майдонида шу йилнинг март ойида президентлик ваколатларини топширган Қозоғистон биринчи президенти Нурсултон Назарбоев байрам табриги билан чиқиш қилди. У ўз нутқида фуқароларни “бирдамликни сақлашга” чақирди. Майдонда Назарбоевга унинг катта қизи отасининг истеъфосидан сўнг парламент сенатининг спикери этиб сайланган Дариға Назарбоева, шунингдек бош вазир Аскар Мамин, мажилис спикери Нурлан Нигматулин ва пойтахт ҳокими Бахит Султанов ҳамроҳлик қилди.

Маҳаллий ОАВнинг ёзишича, майдонда Назарбоевни болалар кутиб олди. Улар Назарбоев ўтаётганда “жонли йўлак” бўлиб турдилар, унинг учун турли халқ рақсларини ижро этишди.

1 май Халқ бирдамлиги куни байрами муносабати билан Олмотада одамлар кўрикдан ўтказилганларидан кейин киритилди. Республика майдони ва унга яқин Абай майдони тўсиқлар билан қуршаб олинди, бу майдонда бўладиган концертга кирмоқчи бўлган одамлар кўрикдан ўтказилмоқдалар. Чоршанба куни эрталаб бўлиб ўтган концертда Қозоғистон президенти Қасим-Жомарт Тоқаев чиқиш қилди. У кеча амалий ташриф билан Олмаотага келди.

Шаҳарлардаги байрам тадбирлари чоршанба куни айрим шаҳарларда фаолияти тақиқланган «Қозоғистон демократик танлови» ҳаракатининг акциялари ўтказилиши эҳтимоли ва ҳибсга олишлар ҳақидаги хабарлар фонида бўлиб ўтмоқда.

XS
SM
MD
LG