Ссылки доступа

Қозоғистон ИИВ: Нур-Султон ва Олмаотада полиция идорасига 80 киши олиб келинди


Қозоғистон ички ишлар вазирлиги 1 май куни мамлакатнинг айрим шаҳарларида бўлиб ўтган норозилик намойишлари билан боғлиқ ҳодисаларга расман муносабат билдирди, унга кўра Олмаота ва пойтахтда 80 киши ушлангани айтилади.

ИИВ баёнотида таъкидланишича,”Бош прокуратура расман мурожаат қилганига қарамай”«рухсат берилмаган митинглар ва фуқороларнинг тўпланиши» бўлиб ўтди.

Вазирликнинг таъкидлашича, акция иштирокчиларига “ўзларининг жамоатчилик фикр ва муносабатларини очиқ ва эркин билдириш имконияти” яратиб берилган, аммо айрим иштирокчилар «ўзларини тажовузкорона тутишди», «жамоат тартибини бузишди», “тақиқланган “ҚДТ” экстремистик ташкилотининг шиорларини айтиб” бақиришди, шунингдек «қонунга зид ҳаракатларни тўҳтатиш борасидаги талабларга бўйсинмадилар». Баёнотда таъкидланишича, бунинг натижасида «қўлга олиш борасида чоралар кўрилди». ИИВ томонидан тарқатилган маълумотга қараганда, ушланганларнинг ҳатти-ҳарактларига нисбатан “хуқуқий баҳо берилади”.

1 май куни норозилик акциялари Олмаотада, пойтахтда, Семей, Қарағанда, Чимкент ва Оқтобеда бўлиб ўтди. Байқўнғир туманидаги полиция бўлимида бўлган Азаттық мухбири Сания Тойкеннинг хабар қилишича, ушланганлар бу ерда тўрт соатдан кўпроқ ушлаб турилган ва кейинроқ қўйиб юборилган.

Айни дамда пойтахт судида 1 май куни Есиль дарёси соҳилларида бўлиб ўтган норозилик акциясида ушланган ўн кишидан камида икки нафари жавобгарликка тортилди. Ушланган икки кишига нисбатан хукм ихтисослаштирилган Остона (суд номи пойтахтнинг аввалги номида қолган) туманлараро маъмурий суди томонидан чиқарилди. Суд жараёнлари чоршанба куни кечқурун бошланди ва пайшанба куни эрта тонгача давом этди.Суд қарорига кўра 1 май куни тинч намойиш бўлиб ўтган жойда ушланган Алимжан Избасаров ва Алтинбек Оринтайулининг ҳар бири “орган ходимига бўйсинмаганликда” айбланди ва беш кундан қамоқда ўтирадиган бўлди, дея хабар берди Азаттыққа адвокат Бауыржан Азанов.

29 апрел куни Бош прокуратура “ижтимоий тармоқ ва мессенжерлардаги чақириқлар муносабати билан” аҳолини рухсат берилмаган митингларда иштироки учун жавобгарликка тортилишларидан огоҳлантирган эди.

Бундан аввал Қозоғистонда экстремистик ташкилот дея эълон қилинган ва фаолияти тақиқланган «Демократический выбор Казахстана» (“Қозоғистон демократик танлови”) ҳаракатининг раҳбари, собиқ банкир, хорижда истиқомат қиладиган Мухтар Аблязов Қозоғистон фуқороларини 9 июнга белгиланган президентлик сайловларини бойкот қилиш мақсадида 1 май куни намойишга чақирган эди.

XS
SM
MD
LG