"Бу тўхтатилиши керак, қотиллар ўзлари содир этган жиноятни зиммаларига олишлари керак. Мен бунга ҳаётимни тикаман", – дея ёзди Гуайдо твиттерда.
Reuters агентлигининг хабар қилишича, иштирокчиларининг хавфсизлик кучлари олдида қўрқувга тушиб қолгани туфайли 1 май куни Каракасдаги намойишлар сусайди, армиядагиларнинг кўпчилиги эса Мадурони қўллаб-қувватламоқда.
Куни кечаГуйадо баёнот бериб, президент Николас Мадурони ағдариб ташлаш мақсадида “якуний босқич” бошланганини маълум қилди. Мухолифатчи Венесуэла фуқороларини кўча намойишларига чиқишга даъват қилди ва ўзининг твиттерида "халқ ва Қуроли кучлар хукмронликнинг тугаши йўлида бирлашишини” ёзди.
Гуайдо томонидан эълон қилинган “Озодлик”нинг биринчи босқичи 6 апрелда бошланган эди. Бу ерда гап ҳар бир минтақада параллел равишда ҳукумат структураларини ташкил этиш ҳақида бормоқда, мухолифатнинг фикрича, бу каби тузилмалар кўча намойишлари билан биргаликда Мадуро режимининг ағдарилишга олиб келади.
Венесуэлада январ ойи сўнгидан бери чуқур сиёсий инқироз кўзга ташланмоқда. Венесуэла парламенти мухолифат томонидан назорат қилинади. Гуайдо ўзини мамлакат муваққат президенти дея эълон қилди ва Мадуро нелегитим эканини айтди. Гуайдони жаҳоннинг кўплаб мамлакатлари, жумладан АҚШ, Европа Иттифоқи мамлакатлари, Бразилия ва Лотин Амеркасидаги кўплаб давлатлар тан олди. Аммо давлат идоралари устидан назорат ҳамон президент Мадуро қўлида ушлаб турилибди. Уни Россия, Хитой ва Куба қўллаб-қувватлайди.