Қарор 2 май куни қабул қилинди, дея хабар берди «Институт Медиа полиси».
Шу тариқа иккинчи инстанция биринчи инстанциянинг қарорини қисман ўзгартирди. Унга кўра, телеканал раддия бериши, собиқ президент ўз сўзларини рад қилиши ва ҳар бир даъвогарга маънавий зиён сифатида 100 минг сомдан тўлаши керак эди.
2018 йилнинг 10 декабр куни Атамбаев “Апрель” телеканалига интервью берди. Даъвогарларнинг фикрича, собиқ президент мазкур интервьюдаги фикрлари билан уларнинг қадр-қиммати ва шаънини ҳақорат қилган. Ўз навбатида жавобгар Атамбаевнинг адвокати даъвогарларнинг шаънига туҳмат қилинмаганини ёки фактлар бузиб талқин қилинмаганини, шу сабабли ҳам уларнинг обрўига путур етгани ҳақида гап бўлиши мумкин эмаслиги ҳақида гапиради.
2019 йилнинг 28 феврал куни Бишкекдаги Октябрь туман суди собиқ президент Алмазбек Атамбаев собиқ спикер Ахматбек Келдибеков, сиёсатчилар Азимбек Бекназаров ва Кенешбек Дуйшебаевга 100 минг сом тўлаши ҳақида қарор чиқарган эди. Суд қарорига кўра, «Апрель» телеканали раддия бериши керак эди. Биринчи инстанция қарориустидан даъвогарлар ҳам, Алмазбек Атамбаев сиймосидаги жавобгар ҳам шикоят аризасини берди.