Радио Озоди веб-сйти ўқувчиларидан бири қалин ўтлар орасида қимирламай ётган илон акс этган видеони юборди. Видеода йигитлар бир-бирлари билан гаплашаётганликлари ва илонга яқин бормасликлари борасида бир-бирларини огоҳлантираётганлари акс этган. Улардан бири “илон балки бир ярим метр келар” дейди, иккинчиси эса “бундан-да катта илонни кўрганини, аммо бунчалик йўғон эмаслигини” таъкидлайди.
Видео муаллифининг 5 май куни айтишича, видео апрелда олинган, илон ҳеч кимга зиён етказмаган.
Тожикистон Фанлар Академияси вице-президенти, биология фанлари доктори Абдусаттор Саидовнинг айтишича, видеода акс этган илон – гюрза бўлиб республикадаги бешта заҳарли илонлардан бири ва мамлакат Қизил Китобига киритилган.
Унинг сўзларига қараганда, гюрза энг катта илон бўлиб, уни мамлакатнинг турли минтақаларида учратиш мумкин. Саидовнинг ишонишича, видеодаги илон анча каттадир, аслида гюрзанинг узунлиги икки метрдан ошмайди.
Тожик олимининг таъкидлашича, гюрза Тожикистондаги бешта заҳарли илнлардан биридир, унинг заҳари кучли бўлиб, агар бу илон чаққудек бўлса инсонларнинг ҳалок бўлишига олиб келади. Аммо суҳбатдошнинг айтишича, бундан илоннинг бу тури дуч келиб қолса уни албатта ўлдириш керак, деган хулоса келиб чиқмайди.
«Гюрзалар Тожикистон ўтлоқ ва яйловларида кенг тарқалган. Агар одамлар тасодифан илонни босиб олса у албатта чақади. Бироқ илонлар биринчи бўлиб одамларга ҳужум қилмайди», - дейди Саидов.
Гюрза асосан, ўтлоқларда яшайдиган кемирувчилар билан озиқланади. Тожикистон учун катта муаммо - организмдаги заҳарни кучсизлантирувчи ва тарқалишини олдини олувчи антидотларнинг йўқлигидир.