У “нафрат уйғотишда” гумон қилинмоқда.
Олмаотадаги ўзининг идорасида турган ҳолда видеоконференция орқали суд мажлисида иштирок этган Серикжан Билашнинг адвокати Айман Умарова суддан ўз ҳимояси остидаги Билашни Нур-Султандан Олмаотага олиб келинишини сўради – токи у яшаш жойида уй қамоғида ушлаб турилсин. Далил сифатида у терговга ҳалақит бермаётган Билашнинг Олмаотада оиласи -рафиқаси ва икки нафар балоғатга етмаган фарзандлари борлигини мисол сифатида келтириб ўтди.
Терговда бўлган Серикжан Билаш судда чиқиш қилди. У баёнот бериб, 10 март куни Олмаотадан пойтахтга олиб келишганидан сўнг ўзига нисбатан Мухтар Аблязовга қарши кўрсатма бериш, адвокат Аймар Умарова хизматидан воз кечиши ва терговга керакли бўлган кўрсатмалар бериш борасида босимлар кўрсатилганини айтди. Билашнинг баёнотига қараганда, унинг иши – бу сиёсий буюртма экан.
Прокурор Канат Тлеужан адвокат Умарованинг илтимосномасига қарши чиқди, аммо Билашни айнан Нур -Султонда уй қамоғида қолдириш борасидаги терговнинг илтимосномасини қўллаб-қувватлади.
Серикжан Билаш 10 март куни Олмаотада ушланган ва пойтахтга олиб келинган эди. Эртаси куни тергов суди Билашни уй қамоғига ўтказиш ва унинг шаҳарлан чиқиб кетмаслиги борасида қарор қабул қилди. Ўша куни пойтахтпрокуратураси баёнот бериб, Билашнинг ушланиши у томонидан ошкора “жиҳод”га чақириш борасидаги чақириқлари билан боғлиқ эканлигини маълум қилди. Исломда “худо йўлида жон фидо этиш”ни англатувчи бу сўз прокуратура хабарида Билаш томонидан “этник хитойларга қарши уруш”га чақириқ сифатида талқин қилинган.
Шу билан бирга «Атажұрт еріктілері» бирлашмасининг Олмаотадаги идорасида тинтув бўлиб ўтди, шундан сўнг идора беркитилди. Идора 2 апрелга келибгина очилди. Аммо полиция ходимлари, ташкилот вакилларининг айтишларича, олиб кетилган электрон ташувчилар ва ҳужжатларни ҳамон қайтаришмаган.
Бундан аввалроқ адвокат Айман Умарова бир неча бор баёнот бериб ўз ҳимояси остидаги Билаш – Олмаотадан Нур-Султанга олиб кетилганидан сўнг босим остида қолганини маълум қилган эди – бу ҳақда у кеча ҳам баёнот берди.
Американинг Foreign Policy журнали «Атажұрт еріктілері» бирлашмасини Шинжондаги «маҳкам ёпилган деразалардан бири эканлигини» таъкидлаган эди. Унинг маълум қилишича минтақадаги «кенг кўламли лагерлар тармоғида 800 мингдан иккимиллионгача одам ушлаб турилибди». Нашр Билашнинг таъқиб қилинишини «Пекин томонидан ташкил этилган мажбурий тизим ҳақида маълумот берувчи биринчи манбадан маҳрум қилиш ва Хитой сиёсати танқидчисини тилини тийишга мажбурлашга уриниш» сифатида баҳолади.
13 март куни инсон хуқуқлари бўйича Қозоғистон бюроси Норвегия Хельсинки қўмитаси билан бираликда қўшма баёнот эълон қилди. "Атажұрт еріктілері" ташаббуслари етакчиси Серикжан Билаш билан боғлиқ вазият» деб номланган мазкур баёнотда фаол зудлик билан озод қилиниши чақирилади.