Рамазон кириб келиши муносабати билан телемурожаат қилган Эмомали Раҳмон мусулмонлар учун муқаддас бўлган Рамазон ойи бу йил иссиқ вақтга тўғри келганини таъкидлади. «Далада ишловчи ва бошқа оғир ишлар билан шуғулланувчи одамлар рўза тутишлари билан бир қатор қийинчиликлар билан тўқнаш келишлари мумкин ва ҳатто соғлиқларига зиён етиши мумкин», -дея таъкидлади Тожикистон раҳбари.
Унинг сўзларига қараганда, деққонларнинг пешона тери билан етиштирилган ҳосил ўз вақтида йиғиштириб олинмаса, у ҳолда назарда тутилмаганган муаммоларни, масалан қишлоқ хўжалик маҳсулотларининг нархи ошиши ва ҳатто очарчиликникелтириб чиқариши мумкин экан. «Мусулмон уламмоларнинг асарларида оғир меҳнат билан шуғулланувчи одамлар, жумладан деҳқонлар ва ишчилар рўза тутмасликлари мумкинлиги таъкидланади. Бу инсонлар ўзлари учун қулай бўлган вақтда рўза тутиб беришлари мумкин. Шу ўринда муқаддас Қурьоннинг «Нисо» сурасида: «Ўзларингизни қийнаманг. Албатта, Аллоҳ сизларга меҳрибон ва раҳмлидир» дейилган”, - дея Раҳмондан ихтибос келтиради ТР президенти матбуот хизмати.
Президент Эмомали Раҳмон диндорларни кириб келган Рамазон ойи билан табриклар экан, мусулмонлар учун муқаддас бўлган ойда бозорлардаги нарҳларнинг кўтарилиб кетишини танқид қилди.
“Ҳали ҳамон савдогарлар Рамазон ойида ва байрам кунларида осон пул топиш мақсадида озиқ-овқат маҳсулотлари нархларини ошираётгани билан боғлиқ ҳолатлар кузатилмоқда, бу эса одамларнинг кайфиятини бузмоқда, уларда норозилик кайфиятларини келтириб чиқармоқда. Шу билан бу савдогарлар муқаддас ойда ўзлари ва оила аъзоларини баракадан маҳрум қиладилар”, дея таъкидлаган Эмомали Раҳмон.
Бу йил муқаддас Рамазон ойи 6 май куни кириб келди, бу санадан бир неча кун аввал асосий озиқ-овқат маҳсулотлари – гўшт, шакар, ёғ, сабзавот ва ун бир неча баробар қимматлади.