Ҳасан Руҳонийнинг баёнотига кўра, Теҳрон туйинтирилган уран ва оғир сувларни сотишни тўхтатади. Орадан 60 кун ўтиб ҳукумат келишувдаги яна бир қатор пунктлардан воз кечиши мумкин. Эрон нефти ва банк секторини Америка санцияларидан ҳимоя қилиш мақсадида Руҳоний шартноманинг бошқа иштирокчиларига мана шу муддатни берди.
7 май куни АҚШ давлат котиби кутилмаганда ўзининг Европага ташрифини якунлаб Ироққа йўл олди. Майк Помпео бу қарорини Эроннинг фаоллиги кучайиб бораётгани билан изоҳлади. Пентагоннинг таъкидлашича, Теҳрон минтақадаги Америка ҳарбийларига қарши ҳужумларни режалаштираётган бўлиши мумкин экан.
Халқаро санкцияларни юмшатиш эвазига Теҳроннинг ядро дастурини тўхтатишга қаратилган шартнома 2015 йилда бир томондан Эрон, иккинчи томондан АҚШ, Франция, Буюк Британия, Россия, Хитой, Германия иштирокида имзоланган эди. 2018 йилда АҚШ Эрон билан эришилган битимдан чиқишини билдирди. Ўшанда АҚШ президенти Дональд Трамп Шартномани адолатсиз дея атаган ва ўзининг янги талабларини илгари сурган эди. Шундан сўнг Вашингтон Теҳронга нисбатан санкцияларни кенгайтирди. Европа Иттифоқи ва Туркия чекловлар ядро битимининг сақланиб қолишига таҳдид солишни билдирди.