Ссылки доступа

Ашхободда кўчмас мулк нархи бирданига тушиб кетди


Ашхободда сўнгги йилда кўчмас мулк нарҳи кескин тушиб кетди. “Азатлиқ” (“Озодлик” радиосининг туркман хизмати) мухбирларининг маълум қилишича, нарх ўртача 30%га тушган.

Туркманистон пойтахти марказида икки хонали уйни 45 минг долларга сотиш мумкин эди, ҳозир 30-35 минг доллардан ошмайди.

Маҳаллий кузатувчиларнинг сўзларига қараганда, бу давом этаётган иқтисодий инқироз ва аҳолининг ташқи миграция оқимининг кўпайиши билан боғлиқ. Аҳолининг фаровонлик даражаси ёмонлашгани боис мамлакат фуқаролари пул топиш ва доимий яшаш мақсадида мамлакатдан ташқарига чиқиб кетишга ҳаракат қилмоқда.

"Кўпчилик мамлакатдан ташқарига чиқиб кетиш ҳақида ўйламоқда", - дея хабар беради Туркманистондаги Азатлиқ мухбири, шу билан бирга кўчмас мулк ҳисобга олиниши лозимлигини, акс ҳолда сотиб олиш ҳам, алмаштириш ҳам мумкин эмаслигини таъкидлайди.

Шу билан бирга кўчмас мулк сотишда расмийлаштириш жараёнлари мураккаблаштирилди. "Олди-сотди ёки алмаштиришдаги ҳар қандай операцияни Адлия вазирлиги хузуридаги хизмат орқали расмийлаштириш мажбурий қилиб қўйилди. Бу хизмат кетувчилар кўпайгани боис уй ва хонадонларни сотишни мураккаблаштириш мақсадида ташкил этилди", - дея хабар беради Азатлиқ мухбири.

Куни кеча Азатлининг Туркманистондаги мухбирлари Россияга кетувчилар сони кўпайиб бораётгани ҳақида хабар берган эди. Сўнгги бир неча ой мобайнида РФнинг Ашхободдаги элчихонаси олдида Россияга кетишни истаган туркманистонликларнинг, жумладан этник туркманларнинг жуда катта навбати пайдо бўлди.

XS
SM
MD
LG