Ссылки доступа

Зеленский илк раҳбарларни мансабига тайинлади


Душанба куни Украина президенти вазифасига киришган Владимир Зеленский Бош штаб бошлиғи - Қуролли Кучлар бош қўмондони этиб генерал-лейтенант Руслан Хомчакни тайинлади. Бу борадаги фармон Украина президенти сайтида эълон қилинди.

51 ёшли Хомчак Москва умумтаълим ҳарбий билим юртини тамомлаган, Донбассдаги қуролли можарода иштирок этган, 2014 йилда у ўз бўлинмаларини Иловайск яқинидаги жангда қамалдан олиб чиққан, дея эслатиб ўтади "Украинская правда".

Хомчак бу лавозимни армия генерали Виктор Муженкодан қабул қилиб олди. 57 ёшли Муженко Ленинград олий умумқўшинлар қўмондонлик билим юртини тамомлаган, Донбассдаги можаронинг фаол босқичида Украина қўшинларига раҳбарлик қилган.

Сешанба куни Зеленский ўз жамоасига кишиларнинг турли мансабларга тайинлаш тўғрисидаги фармонни имзолади. У ўз маъмуриятининг раҳбари этиб украиналик олигарх Игор Коломойскийнинг юристи Андрей Богданни тайинлади. Президентнинг биринчи ёрдамчиси этиб Зеленскийнинг "Квартал 95" студияси хўжайини Сергей Шефир тайинланди.

XS
SM
MD
LG