Ссылки доступа

Тожикистон парламентида қандай қилиб паспортни алмаштириш ва фуқароларни алоқасиз қолдирмаслик ҳақида ўйланмоқда


Тожикистон аҳолиси ўзларининг паспортларини 2014 йил намунасидаги ID-паспортларига алмаштириш учун уч ой муддат берилиши, шу муддатда паспортларни алмаштира олмаган инсонларнинг сим-картлари деактивизация қилиниши борасидаги хабар парламентнинг қуйи палатасида жонли мунозараларга сабаб бўлди.

Парламент мажлисида иштирок этган Ички ишлар вазирининг ўринбосари Икром Умарзода баёнот бериб, паспортларни алмаштириш муддати аввал белгиланганидек 1 августгача эканини эслатиб ўтди.

Мажлиси Намояндагон (Вакиллар мажлиси) раисининг ўринбосари Абдужаббор Азизининг айтишича, бу кам муддатдир ва шу сабабли ортиқча ҳаражат ва ортиқча ишларга сабаб бўлиши мумкин. Унинг фикрича, паспорт алмаштиришнинг охирги кунларида аҳоли ўртасида саросима ва навбатлар юзага келмаслиги учун эски паспортларни алмаштиришлари борасида фуқаролар ўртасида тушунтириш ишларини кучайтириш керак бўлади.

Қўлларида 1996 йилги намунадаги паспорти бўлган ва 1 августга қадар уни пластик паспортга алмаштира олмаганлар бундан кейин ўз телефонларидлан фойдалана олмайди – уларнинг сим-картлари блокланади.

Бундан ташқари, қонунга киритилган янги ўзгартишларга биноан сим-картларни бошқаларнинг қўлига бериш тақиқланади. Яъни фуқаролар сим-картларни ўз номларига расмийлаштиришлари учун 1996 йилги умумфуқаровий (қалин қоғозли) паспортларини 2014 йил намунасидаги ID-паспортга алмаштиришлари учун барча ишлар қилинди.

Айни дамда салкам 3 миллионга яқин фуқаро ёки мамлакат аҳолисининг учдан бири ўз паспортларини алмаштирмаганликлари эътиборга олинган ҳолда айрим депутатлар паспортларнинг алмаштирш муддати узайтирилишини таклиф қилишди.

Икром Умарзода "айни дамда бизда 6 миллион 471 мингта фаол сим-карталар бор, 2 миллиондан ортиқ киши паспорт олди. Қолган уч миллион киши ўз паспортларини ўзгартиришлари ва сўнг сим-картларни қайта рўйхатдан ўтказишлари мумкин", дея жавоб қайтарди. Мазкур идора раҳбари ўринбосарининг сўзларига қараганда, «вазирлик бир ойда 50 минта паспортни алмаштириш имкониятига эга экан».

Сим-картларни қайта рўйхатдан ўтказиш масаласи ўтган йилнинг куз фаслидан бери "можаролардан бирига" айланди. Ҳукумат барча сим карталарни қайта рўйхатдан ўтказилишини миллий ҳавфсизликни таъминлаш сифатида баҳолаган бўлса, иккинчи томон ҳукуматни қайта рўйхатга олиш орқали бюджет тўлдирилиши ва янги даромад манбаини ўйлаб топганликда айблади.

22 май куни парламент мажлисида ички ишлар вазирининг ўринбосари Умарзода сим-картларнинг ўзгалар қўлига берганлар учун жазо кескинлаштирилиши борасида Жиноят кодексига қўшимчалар киритилишини маълум қилди.

XS
SM
MD
LG