Қожахметованинг сўзларига қараганда, Нур-Султондан Экибастузга 5 май куни 17 та, 21 май куни эса 18такўп болали оила кўчириб келинган. Бундан аввалроқ Павлодар вилоят ҳокимияти пойтахтда истиқомат қилувчи ва уй олиш учун навбатда турган кўп болали оилаларга мурожаат қилиб уй-жой билан таъминланишлари юзасидан таклиф берган эди. «Нурли Ертис» дастури асосида пойтахтда яшовчи кўп болали оилаларга янги қурилган кўп қаватли уйдан уч хонали хонадон берилди. Турар жой фонди директорининг сўзларига қараганда, катталарга ишга жойлашишларига ёрдам берилади, уларнинг фарзандлари эса болалар боғчалари ва мактабларга тақсимланади.
— Уларга бир йил муддатга бепул яшаш имкониятлари яратиб берилиши режалаштирилган. Яъни ижара тўловлари, коммунал хизматлар учун барча тўловларни ҳокимият ўз зиммасига олади. Биз жалб қилишда давом этаверамиз. Бундан ташқари кўп болали оилалардан ташқари, Экибастуз расмийлари биз уч ва ундан кам фарзанди бўлган оилаларга икки хонали уй таклиф қилишимизга рухсат берди, — дейди Нурсулу Қожахметова.
Пойтахтдаги турар-жой мавзеида беш нафар опа-сингилларнинг вафот этганидан сўнг Қозоғистоннинг турли минтақаларида кўп болали оналарнинг оммавий норозилик намойишлари бўлиб ўтди. Аёллар ҳукуматдан кам таъминланган ва кўп болали оилалар учун ижтимоий ва турар-жой муаммосини ҳал қилиб беришларини талаб қилдилар.
Бу каби сўнгги акция ўтган пайшанба куни пойтахтда бўлиб ўтди. 16 май куни ўнлаб оналар, жумладан кўп болали ва ёлғиз оналар Нур-Султонда тўпланиб ўзларининг ижтимоий аҳволларини яхшиланишини ва турар-жой муаммосини ҳал қилишларини талаб қилдилар.
Расмийларнинг маълумотига кўра, Қозоғистонда 28 минг кам таъминланган ва кўп болали оилалар турар-жой муаммосининг ҳал қилинишини кутмоқда, шундан икки мингдан ортиғи Нур-Султонда истиқомат қилади.