Бундан аввалроқ Текебаевнинг ҳимоячилари ишни қайта кўриб чиқишни сўраб Бош прокуратурага мурожаат қилган эди. Аммо назорат орган Олий судга мурожаат қилишни тавсия қилди ва аризани қабул қилмади.
Олий суд 2019 йилда жазоларни юмшатишни назарда тутган янги кодекслар кучга кириши муносабати билан 3 май куни Омурбек Текебаев ва Дуйшенкул Чотоновларнинг ишини қайта кўриб чиқди. Томонларнинг фикрларини эшитган суд ҳайъати ҳукмни кучда қолдиришга қарор қилди, бу ҳукмга кўра Текебаев ва Чотонов 8 йил муддатга озодликдан маҳрум қилинган эди. Олий суд сиёсатчиларнинг ишни қайта кўриб чиқиш Биринчи май туман судига юборилиши борасидаги адвокатларнинг илтимосини рад қилди. Бироқ уларнинг мол-мулкини мусодара этиш борасидаги қарорни ўзгартирди.
«Ата Мекен» партияси етакчиси, парламентнинг бир нечта чақириқдаги депутати Омурбек Текебаев ва унинг партиядоши, ҚРнинг Корея Республикасидаги собиқ элчиси Дуйшенкул Чотонов 2017 йилда россиялик тадбиркор Леонид Маевскийнинг кўрсатмасига биноан «Коррупция» моддаси бўйича айбланган ва ҳар бири сакиз йил муддатга ҳукм қилинган эди.
Кейинроқ, 2018 йилнинг ноябрида Маевскийнинг ўзини Москвадаги Твер суди 2019 йилнинг январ ойигача қамоққа жўнатди, у 37,5 млн. доллар таъмагирлик қилганликда айбланди. Яқинда маълум бўлишича, унинг матбуот котиби Максим Букин ҳам ушланган.