Жоспар бойынша, Шойгу тәжік президенті Эмомали Рахмонмен, әскери мекеме басшыларымен жүздеседі.
Ресей қорғаныс министрлігінің баспасөз хатшысы Россияна Марковскаяның хабарлауынша, келіссөздерде Тәжікстан қарулы күштерін жетілдіру, Ресейдің осы елдегі 201-ші әскери базасын жаңа техникамен толықтыру мәселелері талқыланады.
Сергей Шойгу Ресейдің осы елдегі әскери базасына баруды жоспарлап отыр. Жақында ол Ауғанстанмен шекаралас аймақтарда терроризм қаупі жоғары екенін мәлімдеген.
2015 жылы 201-ші әскери базаға тікұшақтар жеткізілсе, екі жылдан соң мұнда "Ураган" дивизионы көшірілген. Тәжікстан билігімен жасалған келісімге сәйкес, Ресей әскери бұл елдің аумағында кем дегенде 2042 жылға дейін болады.