Ссылки доступа

Медведев Ариповга "Хивани Россия ва хорижда тарғиб қилишга" ваъда берди


Ўзбекистон ва Россия ўртасидаги савдо айланмаси яқин вақт ичида 10 миллиард долларга етиши кутилмоқда. Бу ҳақда 30 май куни Урганчда ўтган Ўзбекистон-Россия ҳукуматлараро комиссиясининг биринчи йиғилишида Бош вазир Дмитрий Медведев маълум қилди.

Медведевга кўра, айни пайтда икки давлат ўртасидаги савдо 20-25 фоизга кўпайиб, 4,5 миллиард долларни ташкил этмоқда.

Йиғилиш якунланганидан сўнг Медведев ҳамкасби Абдулла Арипов ҳамроҳлигида Хивага борди.

ЎзАнинг билдиришича, Хивадан завқланган Дмитрий Медведев: «Ичан қалъа каби яхлит ҳолда сақланган тарихий шаҳарлар дунёда жуда кам. Бу ерга келган ҳар бир инсон ҳайрат ва завққа тўлиши табиий. Бугундан бошлаб Хива ҳақидаги таассуротларимни Россия ва хорижий давлатларда кенг тарғиб этаман»,- деб айтган.

Дмитрий Медведев Хоразмдан Туркманистон пойтахти Ашхободга учиб кетди. 31 май, жума куни Ашхабодда МДҲ давлатлари ҳукумат раҳбарлари Кенгашининг йиғилиши бўлиб ўтади.

Медведев Тошкентга 29 май куни ишчи ташриф билан келган ва президент Мирзиёев томонидан қабул қилинган.

XS
SM
MD
LG