Ссылки доступа

ОАВ: Шимолий Кореяда Трамп иштирокидаги саммит самарасиз бўлгани учун дипломатлар қатл қилинди


Шимолий Корея ҳукумати АҚШ билан ядро масалалари бўйича собиқ мухтор вакил ва ташқи ишлар вазирлигининг яна тўрт ходимини КХДР ва АҚШ етакчилари ўртасидаги саммит муваффақиятсиз якунланидан сўнг март ойида қатл қилди. Бу ҳақда Жанубий Корея ОАВга таянган ҳолда Bloomberg агентлиги маълум қилди.

Ким Хек Чхол АҚШ фойдасига жосуслик ва ҳамкорлик қилишда айблов эълон қилинганидан сўнг отиб ташланган бўлиши мумкин. Хабарларга кўра, Шимолий Корея етакчисининг бош маслаҳатчиси Ким Ен Чхол каторга ишларига жалб қилинган.

Икки мамлакат етакчиларининг тарихдаги илк учрашуви 2018 йил июнида Сингапурда бўлиб ўтган эди . Бу учрашув АҚШ томонидан хавфсизлик кафолатланиши эвазига Шимолий Корея ядровий қуролсизланишни ўз зиммасига олиш мажбурияти юклатилган ҳужжат имзоланиши билан якунланди. Бироқ, кўп ўтмай ОАВ КХДР ядро қуроли устида иш олиб бораётганини маълум қилди.

АҚШ ва Шимолий Корея етакчилари иштирокидаги иккинчи саммит феврал ойи сўнгида Ханойда бўлиб ўтди. Бу учрашувда КХДРнинг ядровий дастури тўлалигига тўхтатилиши, бунинг эвазига АҚШнинг Пхеньянга нисбатан санкциялари бекор қилиниши муҳокама қилинди. Учрашув самарасиз якунланди – АҚШ ва КХДР етакчилари қўшма декларацияни имзоламади.

2019 йилнинг 11 апрел куни Шимолий Корея раҳбари баёнот бериб КХДРга қарши бўлганларга, ўзининг ибораси билан айтганда “Шимолий Корея халқини тиз чўктирмоқчи бўлганлар”га қарши зарба бериш билан пўписа қилди.

Ханойдаги саммит муваффақиятсиз якунланганига қарамай Трамп Ким билан муносабатлари яхши эканлигини таъкидлаб келади ва етакчилар ўртасида келишувга эришишга умид қилади.

XS
SM
MD
LG