Будапеште өзенде болған апаттан соң 21 адамды іздестіріп жатыр. Олар іс-түссіз жоғалғандар санатында. Катер бортында 35 адам болған. Олардың көбі Оңтүстік Корея азаматтары. Жеті адам құтқарылған. Мамандар қалған адамдардың тірі қалуы екіталай екенін жасырмайды.
29 мамырда кешке Дунай өзенінде, парламент ғимаратына жақын маңда, туристерді серуендетуге арналған кіші-гірім катер мен Viking круиз лайнері қақтығысып қалды. Катер жеті секундтың ішінде суға батқан. Апат болған уақытта нөсер жаңбыр жауып түрған. Соның салдарынан өзенде су деңгейі көтеріліп, ағысы артқан.