Ссылки доступа

Дар Туркманистон муҳлати шаҳодатномаи ронандагии занҳоро тамдид намекунанд


Дар Туркманистон бонувон ҳангоми дарёфти шаҳодатномаи нави ронандагӣ ва тамдиди муҳлати онҳо бо мушкил рӯбарӯ мешаванд.

Ба иттилои бахши туркмании Радиои Озодӣ, аз ҷумла дар шаҳри Ишқобод пулис ба занон шаҳодатномаи нави ронандагӣ намедиҳад ва муҳлати истифодаи санадро тамдид намекунад.

"Вақте занҳо барои тамдиди муҳлати шаҳодатномаҳои ронандагӣ ба пулис муроҷиат мекунанд, ҷавоби рад мегиранд. Ба онҳо ошкоро мегӯянд, ки "ба занҳо шаҳодатнома намедиҳанд", - иттилоъ дод хабарнигори радио дар Ишқобод.

Ба гуфтаи ӯ, ҳамзамон дар пойтахти Туркманистон таҷрибаи гирифтани шаҳодатномаҳои ронандагии бонувон идома дорад. "Бо ҳар баҳона шаҳодатномаҳои ронандагии бонувонро гирифта, санади муваққатӣ медиҳанд ва сипас барнамегардонанд", - афзуд хабарнигор.

Дар Туркманистон шаҳодатномаи ронандагӣ барои 10 сол дода мешавад.

Ашхабадская полиция отбирает у женщин водительские удостоверения
пожалуйста, подождите

No media source currently available

0:00 0:01:28 0:00

XS
SM
MD
LG